Ramin Hacılı azadlığa çıxıb
Azərbaycan Avropa Hərəkatının prezidenti Ramin Hacılı həbsdən buraxılıb.
1983-cü il təvəllüdlü Ramin Hacılı ötən il iyunun 4-də Balakən rayonu ərazisində 1988-ci il təvəllüdlü Fəxrəddin Qasımovla birgə tutulmuş, onun dövlət sərhədini pozmaqla qanunsuz yolla Gürcüstan ərazisinə keçməyə cəhd etdiyi bəyan olunmuşdu.
2019-cu il aprelin 9-da ONA-ya açıqlama verən Ramin Hacılı deyib ki, bir neçə gün əvvəl Nərimanov Rayon Məhkəməsi onun barəsində seçilmiş həbs qətimkan tədbirini aradan qaldırdığına görə azadlığa çıxıb.
Ramin Hacılı Füzuli rayonunun Arayatlı kəndində doğulub. Azərbaycan Dövlət İqtisad Universitetini bitirib. Müxtəlif gənclər təşkilatlarının və partiyaların fəallarından olub.
