Hərrac qiyməti 28 min manat artırdı
Əmlak Məsələləri Dövlət Komitəsinin 9 aprel hərracında 6 dövlət əmlakı üzrə 12 sifariş qəbul olunub. Bakının Mərdəkan qəsəbəsində ümumi faydalı sahəsi 405,3 kvadratmetr olan obyekt 89,5 min manata özəlləşdirilib.
“Lənkəran Mexaniki Təmir Zavodu” Məhdud Məsuliyyətli Cəmiyyəti 29,3 min kvadratmetrlik torpaq sahəsi ilə birgə 350 min manata sahibini tapıb.
Yasamal rayonunun Mikayıl Müşfiq küçəsindəki qeyri-yaşayış binasının ilkin hərrac qiyməti 50 min manat olub, sonda əmlaka 78 min manat verilib.
Şabran şəhərində ümumi faydalı sahəsi 582,5 kvadratmetr olan mehmanxana torpaq sahəsi ilə birgə satılıb.
