Siyasi məhbus siyahısı dəqiqləşdiriləcək
Siyasi Məhbusların Vahid Siyahısı üzrə İşçi Qrup toplantı keçirməyə hazırlaşır. Məqsəd siyasi məhbusların yeni siyahısını dəqiqləşdirməkdir.
İntiqam Əliyev, Xədicə İsmayıl, Anar Məmmədli, Xalid Ağalıyev, Rövşən Hacıbəyli və başqalarının təmsil olunduğu Siyasi Məhbusların Vahid Siyahısı üzrə İşçi Qrup bu il fevralın 20-də 127 nəfərlik siyasi məhbus siyahısı açıqlamışdı. Həmin şəxslərin biri –AXCP üzvü Mirfeyzulla Seyidov ev dustağıdır.
Novator.az bildirir ki, fevralın 20-dən bəri 1 nəfər cəzasını başa vuraraq, 1 nəfər azadlığın məhdudlaşdırılması cəzası, 2 nəfər şərti həbs cəzası alaraq, 52 nəfər prezident İlham Əliyevin əfv sərəncamı ilə azadlığa çıxıb, həbsdə olanların sayı 70-ə düşüb.
Siyahıda 50 inanclı fəalın adı yer alır: Elxan Bünyadov, Sahil Rzayev, Niftəli Vəliyev, Taleh Bağırov, Fərhad Balayev, Cabbar Cabbarov, İbrahim Xudaverdiyev, Aqil İsmayılov, Etibar İsmayılov, Abbas Quliyev, Əli Nuriyev, Abbas Tağızadə, Əlibaba Vəliyev, Ramin Yarıyev, Abbas Hüseynov, Əbülfəz Bünyadov, Cahad Babakişizadə, Bəhruz Əskərov, Zakir Mustafayev, Şamil Abduləliyev, Ağa-Əli Yəhyayev, Elgün Axundov, Vüsal Alış, Nahid Qəhrəmanov, Əlibəy Şahbazov, Əmirəli Əliyev, Fərhad Muradov, Seyfəddin Şirvanov, İsa İbrahimov, Elxan İsgəndərov, Cabir Əliyev, Ramil Seyfullayev, Mübariz İbrahimov, Eldar Bünyatov, Mehman Quliyev, Mehman Məmmədov, Məhəmmədəli Axundzadə, Faiq Allahverdiyev, Əhsən Nuruzadə, Əliəsgər Cabbarov, Rza Ağali, Ziya Tahirov, Dəyanət Səmədov, Firdovsi Məmmədrzayev, Mövsüm Səmədov, Rufulla Axundzadə, Fəramiz Abbasov, Abgül Süleymanov, Elnur Cavadov, Sərdar Babayev.
Siyasi və ictimai fəallardan 7 nəfər həbsdədir: Asif Yusifli, Fuad Əhmədli, Orxan Baxışlı, Saleh Rüstəmov, Aqil Məhərrəmov, Babək Həsənov, Azad Həsənov.
Məhbusların 5-i jurnalist (Araz Quliyev, Seymur Həzi, Elçin İsmayıllı, Əfqan Muxtarlı, Ziya Əsədli), 1-i (Əliabbas Rüstəmov) hüquq müdafiəçisidir.
Ömürlük həbs cəzasına məhkum olunan keçmiş Xüsusi Təyinatlı Polis Dəstəsinin üzvləri Elçin Əmiraslanov, Arif Kazımov və Səfa Poladov, eləcə də Səid Dadaşbəyli və onunla birgə tutulan Ceyhun Əliyevlə Cahangir Kərimov da siyasi məhbus sayılırlar.
1 məhbus siyasi girovlar bölümündədir: Emin Saqiyev. O, xaricdən yayılan “Turan TV”nin əməkdaşı Türkel Azərtürkün bacanağıdır.
Avropa Şurasının meyarlarına görə, azadlıqdan məhrum edilən şəxsə bu hallarda siyasi məhbus kimi baxılmalıdır: saxlanma fikir, vicdan və din azadlığı, fikrin ifadə olunması və informasiya azadlığı, toplaşma və birləşmə azadlığı pozulmaqla həyata keçirilibsə; saxlanma istənilən cinayətlə əlaqəsi olmadan siyasi səbəblərdən həyata keçirilibsə; həbsdə saxlamanın müddəti və ya onun şərtləri şəxsin ittiham olunduğu cinayətə proporsional deyilsə; vətəndaş digər şəxslərlə müqayisədə ayrı-seçkilik əsasında saxlanıbsa və ya saxlama ədalətsiz məhkəmə çəkişməsinin nəticəsidirsə və bu, hakimiyyətin siyasi motivləri ilə bağlıdırsa.
