Rusiyanın xarici ticarət göstəriciləri
Rusiyanın Federal Gömrük Xidməti xarici ticarət dövriyyəsi üzrə hesabat açıqlayıb. Novator.az bildirir ki, rəsmi statistikaya görə, 2019-cu ilin yanvar-fevral aylarında ölkənin xarici ticarət dövriyyəsinin həcmi 2018-ci ilin eyni dövrü ilə müqayisədə 0,7% azalaraq 99,8 milyard dollara enib.
İki ayda ixracın 0,4% artaraq 66,5 milyard dollar, idxalın isə 2,8% azalaraq 33,3 milyard dollar təşkil etdiyi vurğulanır.
Hesabata əsasən, Rusiyanın xarici ticarət tərəfdaşları arasında Avropa İttifaqı ölkələri üstündür. Yanvar-fevral ayları ərzində ölkənin xarici ticarət dövriyyəsinin 43,2%-i həmin ölkələrin payına düşüb.
Sonrakı yerlərdə 31,4%-lə Asiya-Sakit Okean İqtisadi Əməkdaşlıq Təşkilatı ölkələri, 11,1%-lə MDB ölkələri, 7,7%-lə Avrasiya İqtisadi İttifaqı ölkələri gəlir.
Səidə Hüseynova
