8 aprel məzənnələri
Mərkəzi Bank aprelin 8-də avronun qiymətini 1,9092 manata qaldırıb. Novator.az-ın məlumatına görə, Gürcüstan larisi də bahalaşıb: 0,6322 manat.
Dəyər itirən Türkiyə lirəsi banklara 0,3013 manata təklif olunur.
ABŞ dollarının kursu 1,7, Rusiya rublu 0,0260 manat səviyyəsində qalıb (Məzənnələr).
Aprelin 7-də dolların rəsmi qiymətində sabitliyin 13 ayı tamamlanıb.
2015-ci il fevralın 21-də Mərkəzi Bank dolların kursunu 0,7862 manatdan 1,05 manata, dekabrın 21-də 1,55 manata qaldırıb. Həmin ilə 1,5594 manatla nöqtə qoyulub.
2016-cı ildə rəsmi qiymət 1,7707 manata çatıb, 2017-ci il dekabrın 13-dən dollar banklara 1,7001 manata təklif edilib. 2018-ci il martın 7-dən 1,7 manat həddi qüvvədədir.
Avro 2019-cu ilə 1,9323, Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla başlayıb.
Dövlət Neft Fondu manatın kursunu qorumaq üçün Mərkəzi Bankın yanvar-fevral aylarında keçirdiyi valyuta hərraclarında 951,1 milyon dollar məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
