“525-ci qəzet” həftədə üç dəfə çıxacaq
“525-ci qəzet” həftədə üç dəfə nəşr olunmağa qərar verib. Novator.az-ın məlumatına görə, qəzet çərşənbə və şənbə günləri 24 səhifədə, cümə günləri 16 səhifədə, kiçik formatda (A:3) işıq üzü görəcək.
1992-ci ildə yaradılan “525-ci qəzet” 1999-cu ildən gündəlik nəşr olunub.
Kütləvi İnformasiya Vasitələrinin İnkişafına Dövlət Dəstəyi Fondunun müəyyən etdiyi yeni qaydalarla “525-ci qəzet” 2019-cu ilin ikinci rübündə günaşırı nəşrlərə aid edilib. Tirajı 2500 nüsxədən, satış və abunəsinin cəmi 1500 nüsxədən, səhifələrinin sayı 16-dan (A3, B2 formatda) az olmayan, həftədə azı 3 dəfə çıxan həmin qəzetlər fonddan ayda 10 min manat maliyyə vəsaiti alacaq.
