34 minə yaxın şəxsə iş verilib
Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti 2019-cu ilin birinci rübündə 33 min 969 nəfəri işlə təmin edib. Rəsmi hesabata görə, bu, 2018-ci ilin birinci rübü ilə müqayisədə 13,2 faiz çoxdur.
Aprelin 5-də yayılan məlumatda qeyd olunur ki, 29 min 404 nəfər “İşsizin DOSTu” proqramı çərçivəsində ödənişli ictimai işlərə cəlb edilib, həmin şəxslərlə əmək müqaviləsi bağlanıb.
Yanvar-mart aylarında işlə təmin edilənlərin 8826 nəfəri gənclər, 281 nəfəri əlilliyi olan şəxslər, 1876 nəfəri məcburi köçkünlərdir.
