YUNESKO tədbirinə viza sərəncamı
YUNESKO-nun Ümumdünya İrs Komitəsinin 43-cü sessiyasında iştirakla əlaqədar Azərbaycana gələcək şəxslər üçün viza prosedurları sadələşdirilib. Prezident İlham Əliyevin 2 aprel sərəncamına əsasən, YUNESKO-nun rəsmi dəvət məktubunu və həmin təşkilatın müvafiq qaydalarına uyğun olaraq akkreditasiyadan keçməni təsdiqləyən sənədi təqdim edən şəxslər 2019-cu il iyunun 20-dən iyulun 10-dək Azərbaycanın beynəlxalq hava limanlarında viza ala biləcək.
Xarici İşlər Nazirliyinə YUNESKO-ya və xarici ölkələrin müvafiq orqanlarına, Dövlət Miqrasiya Xidmətinə isə Azərbaycana uçuşlar həyata keçirən aviasiya şirkətlərinə bu barədə məlumat vermək həvalə olunub.
