Türkiyə: partiyalara neçə bələdiyyə başçısı düşüb?
Novator.az Türkiyənin siyasi partiyalarının 31 mart seçkisində neçə bələdiyyə başçısı postu qazanmasına nəzər salıb.
İlkin nəticələrə görə, hakim Ədalət və İnkişaf Partiyası 15 böyük şəhərdə, 24 şəhər, 511 rayonda bələdiyyə başçısı postuna sahib çıxıb.
Seçkilərə hakim partiya ilə birgə Xalq ittifaqında qoşulan Milliyyətçi Hərəkat Partiyası 1 böyük şəhərdə, 10 şəhərdə, 135 rayonda qələbə əldə edib.
Müxalif Cümhuriyyət Xalq Partiyası 11 böyük şəhərdə, 10 şəhərdə, 181 rayonda bələdiyyə başçısı kürsüsü qazanıb.
Millət ittifaqında Cümhuriyyət Xalq Partiyasının müttəfiqi olan Yaxşı Partiyanın 19 rayonda qələbəsi var.
Kürdlərin çoxluq təşkil etdiyi Xalqların Demokratik Partiyası 3 böyük şəhərdə, 5 şəhərdə, 45 rayonda bələdiyyə başçısı vəzifəsini götürüb.
Türkiyə Kommunist Partiyası 1 şəhərdə zəfər çalıb.
Səadət Partiyası 9, Böyük Birlik Partiyası 5, Demokratik Sol Partiya 3, Demokrat Partiyası 2 rayonda qalib gəlib.
1 şəhərdə və 12 rayonda bələdiyyə başçısı kürsüsü müstəqil namizədlərə qismət olub.
