Kurs dəyişmələri
Aprelin 2-də bir çox valyuta bahalaşıb. Novator.az-ın məlumatına görə, Mərkəzi Bank dəyər artıran Gürcüstan larisini 0,6320, İngiltərə funt sterlinqi 2,2213, Türkiyə lirəsini 0,3073, Ukrayna qrivnasını 0,0630 manata satır.
ABŞ dollarının (1,7 manat), BƏƏ dirhəminin (0,4629 manat) və Rusiya rublunun (0,0260 manat) rəsmi məzənnələri dəyişməyib.
Ucuzlaşan avroya 1,9043, Çin yuanına 0,2530 manat qiymət qoyulub (Tam siyahı).
ABŞ dollarının rəsmi qiyməti 2018-ci il martın 7-dən 1,7 manatdır.
Avro 2019-cu ilə 1,9323, Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla başlayıb.
Dövlət Neft Fondu manatın kursunu qorumaq üçün Mərkəzi Bankın yanvar-fevral aylarında keçirdiyi valyuta hərraclarında 951,1 milyon dollar məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar alınıb.
