Milli çempionatlarda durum
Avropanın aparıcı milli futbol çempionatlarında mübarizə davam edir. Novator.az-ın məlumatına görə, 32 oyundan sonra İngiltərə çempionatında “Liverpul” 79 xalla öndədir. Lideri 31 oyuna 77 xal toplayan “Mançester Siti” izləyir.
31 oyun keçirən “Tottenhem” və “Mançester Yunayted” 61 xalla üçüncü yeri bölüşürlər.
“Arsenal” 30 oyunda, “Çelsi” 31 oyunda 60 xal yığıb.
İspaniya milli futbol çempionatının lideri “Barselona” 29 turda 69 xal əldə edib. “Atletiko”nun 59, “Real”ın 57 xalı var.
29 turun ardından İtaliya çempionatında turnir cədvəlinə 78 xal yığan “Yuventus” başçılıq edir. “Napoli” 63, “İnter” 53, “Milan” 51 xal götürüb.
Almaniya çempionatında 27 tura 63 xal yığan Dortmund “Borussiya”sı ilk sıradadır. “Bavariya” 61, “Leypsiq” 52 xal əldə edib.
Fransa çempionatında 29 oyuna 80 xal yığan PSJ liderdir. “Lill” 30 oyunda 60, “Lion” 56 xal toplayıb.
