Məzənnələrin aprel startı
Mərkəzi Bank aprelin 1-də avronun məzənnəsini 1,9098 manata qaldırıb.
Novator.az-ın məlumatına görə, Gürcüstan larisi də bahalaşıb: 0,6318 manat.
ABŞ dollarının (1,7 manat) və Türkiyə lirəsinin (0,3049 manat) rəsmi kursları dəyişməyib, dəyər itirən Rusiya rublu isə banklara 0,0260 manata təklif olunur (Tam siyahı).
ABŞ dollarının rəsmi qiyməti 2018-ci il martın 7-dən 1,7 manatdır.
Avro 2019-cu ilə 1,9323, Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla başlayıb.
Dövlət Neft Fondu manatın kursunu qorumaq üçün Mərkəzi Bankın yanvar-fevral aylarında keçirdiyi valyuta hərraclarında 951,1 milyon dollar məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar alınıb.
