İxrac icmalı açıqlanıb
İqtisadi İslahatların Təhlili və Kommunikasiya Mərkəzi yeni ixrac icmalı açıqlayıb. Novator.az bildirir ki, hesabata görə, 2019-cu ilin yanvar-fevral aylarında Azərbaycanın 3,2 milyard ABŞ dolları həcmində ixracı qeydə alınıb. Qeyri-neft sektoru üzrə ixrac 282 milyon ABŞ dolları həcmində göstərilir. 2018-ci ilin ilk iki ayı ilə müqayisədə qeyri-neft sektoru üzrə ixrac 16,5 faiz artıb.
İki ayda ixrac edilən qeyri-neft sektoruna aid malların siyahısında elektrik enerjisi (30,5 milyon ABŞ dolları) birinci olub. Mahlıc (25,9 milyon ABŞ dolları) ikinci, qabığı təmizlənmiş meşə fındığı isə (24,7 milyon ABŞ dolları) üçüncü yerdə qərarlaşıb.
