Gürcüstan polietilen torbalarla vidalaşır
Aprelin 1-dən Gürcüstanın mağazalarında polietilen torbalardan istifadə qadağan olunub. Ətraf Mühiti Mühafizə və Kənd Təsərrüfatı Nazirliyi belə xəbərdarlıq yayıb.
Novator.az-ın məlumatına görə, polietilen torbalara məhdudiyyət mərhələli həyata keçirilir. 2018-ci ilin oktyabrından nazik polietilen torbaların istifadəsi, habelə bütün plastik torbaların idxalı yasaqlanıb.
Qayda pozuntusuna yol verən subyektləri 500 lari (200 dollara yaxın) cərimə gözləyir. Təkrar pozuntuya görə 1000 lari (380 dollardan çox) cərimə nəzərdə tutulub.
Yasaq bioloji deqradasiyaya gətirən torbaların istehsalını da əhatə edir.
Səidə Hüseynova
