Vyana görüşü
Prezident İlham Əliyev martın 29-u Vyanada Dağlıq Qarabağ münaqişəsinin həllini müzakirə etmək üçün Ermənistanın baş naziri Nikol Paşinyanla görüşüb.
Görüşdə Azərbaycanın və Ermənistanın xarici işlər nazirləri Elmar Məmmədyarovla Zöhrab Mnasakanyan, ATƏT-in Minsk qrupunun həmsədrləri İqor Popov (Rusiya), Stefan Viskonti (Fransa), Endrü Skofer (ABŞ) və ATƏT sədrinin şəxsi nümayəndəsi Anjey Kasprşik də iştirak edib.
Daha sonra prezident və baş nazir təkbətək bir araya gəliblər. Təkbətək görüşün ardınca yenidən geniş formatda söhbət olub.
