Valyutaların 3 ayı
2019-cu ilin üçüncü ayının son rəsmi məzənnələri açıqlanıb. Mərkəzi Bank martın 29-da ABŞ dollarını 1,7, avronu 1,9090, Gürcüstan larisini 0,6316, Rusiya rublunu 0,0262, Türkiyə lirəsini 0,3049 manata satır.
Novator.az valyuta məzənnələrinin yanvar-mart aylarında necə dəyişməsinə də nəzər yetirib.
Avro 2019-cu ilə 1,9323 manatla başlayıb. Yanvarda yüksək kurs 1,9647 manat olub. Fevralın rekordu 1,9452 manat, martın zirvə nöqtəsi 1,9337 manatdır.
Gürcüstan larisinin start kursu 0,6346 manat olub. Yanvarın yuxarı rəsmi qiyməti 0,6409 manatdır. Fevralda yüksək göstərici kimi 0,6445 manat, martda 0,6384 manat rəsmiləşib.
Rusiya rublu ilə 0,0245 manatla girib. Həm yanvarın, həm də fevralın yüksək kursu 0,0260 manat olub. Martın zirvəsi 0,0264 manatdır.
Türkiyə lirəsinin ilk rəsmi qiyməti 0,3141 manat göstərilib. Yanvarda maksimum kurs 0,3255 manat, fevralda 0,3275 manat, martda 0,3183 manat olub.
Üç ayın yekununda avro, lari və lirədə ucuzlaşma, rublda bahalaşma qeydə alınıb.
ABŞ dollarının rəsmi qiyməti isə 2018-ci il martın 7-dən 1,7 manatdır.
