Yenilənən kurslar
Martın 28-də avronun rəsmi kursu 1,9133 manata düşüb.
Novator.az-ın məlumatına görə, Mərkəzi Bank Gürcüstan larisi (0,6308 manat), Rusiya rublu (0,0263 manat), Türkiyə lirəsini də (0,3144 manat) ucuzlaşdırıb.
ABŞ dollarının məzənnəsi 1,7 manat həddində saxlanıb.
Bahalaşan BƏƏ dirhəmi banklara 0,4629, İngiltərə funt sterlinqi 2,2430, İsveçrə frankı 1,7079 manata satılır (Məzənnələr).
Dolların indiki kursu 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu manatın kursunu qorumaq üçün Mərkəzi Bankın bu il keçirdiyi valyuta hərraclarında 951,1 milyon dollar məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar alınıb.
