Seçmə mərhələdə vəziyyət
2020-ci ilin Avropa futbol çempionatının seçmə mərhələsinə qatılan 55 milli komanda 10 qrupda mübarizə aparır. Qruplarda ilk iki yeri tutan yığmalar final raunduna adlayacaq.
Novator.az bildirir ki, E qrupunda yarışan Azərbaycan milli komandası hələlik bir oyun keçirib. Səfərdə Xorvatiyaya 1:2 hesabı ilə uduzan yığma qrupun son pilləsində dayanır. Slovakiya, Uels, Macarıstan və Xorvatiyanın 3 xalı var.
İki turdan sonra A qrupunda ilk pilləni 6 xalla İngiltərə tutur. Onu 2 xalla Bolqarıstan izləyir.
B qrupunda lider Ukraynanın 4, ikinci pillədə dayanan Lüksemburqun 3 xalı var.
C qrupunda Şimali İrlandiya öndədir: 6 xal. Almaniya və Hollandiya 3 xal yığıblar.
D qrupunda İrlandiya 6 xalla birinci, İsveçrə 4 xalla ikinci yerdədir.
F qrupunda 6 xalla İspaniya liderdir. İsveçin 4 xalı var.
G qrupunda Polşa öndə durur: 6 xal. İsrail və Şimali Makedoniya 4 xal əldə ediblər.
H qrupunda Fransa və Türkiyə 6 xalla liderliyi bölüşürlər.
İ qrupunda lider Belçikanın 6, Rusiya, Qazaxıstan, Kipr və Şotlandiyanın 3 xalı var.
J qrupuna İtaliya 6 xalla liderlik edir. Yunanıstan və Bosniyanın 4 xalı var.
Avropa çempionatının final mərhələsi 12 şəhərdə, o cümlədən Azərbaycan paytaxtında keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
