İki aylıq turizm hesabatı
2019-cu ilin yanvar-fevral aylarında Azərbaycana 152 ölkədən 364,2 min və ya 2018-ci ilin ilk iki ayı ilə müqayisədə 3,3 faiz çox əcnəbi gəlib. Hesabatı Dövlət Sərhəd Xidmətinə istinadla Dövlət Statistika Komitəsi yayıb.
Novator.az bildirir ki, hesabata görə, gələnlərin 29,8 faizi Gürcüstan, 27,6 faizi Rusiya, 12 faizi Türkiyə, 5,8 faizi İran, 3,6 faizi Birləşmiş Ərəb Əmirlikləri, 1,8 faizi Ukrayna, 1,7 faizi Hindistan, 1,5 faizi Pakistan, 1,4 faizi İraq, 14,7 faizi digər ölkələrin vətəndaşları, 0,1 faizi vətəndaşlığı olmayan şəxslərdir.
Yanvar-fevral aylarında xarici ölkələrə gedən Azərbaycan vətəndaşlarının sayı əvvəlki ilin müvafiq dövrü ilə müqayisədə 25,5 faiz artaraq 731,6 min nəfərə çatıb. Ölkə vətəndaşlarının 36,5 faizi İrana, 26,2 faizi Gürcüstana, 18,4 faizi Rusiyaya, 9,8 faizi Türkiyəyə, 1,1 faizi Ukraynaya, 1 faizi Birləşmiş Ərəb Əmirliklərinə, 7 faizi digər ölkələrə səfər edib.
