Hərrac qiymətləri necə artırdı?
Əmlak Məsələləri Dövlət Komitəsinin 27 mart hərracı rəqabət mühitində keçib. Rəsmi məlumata görə, paytaxtın Nəsimi rayonunun Bakıxanov küçəsində yerləşən, ümumi faydalı sahəsi 96,6 kvadratmetr olan qeyri-yaşayış sahəsinin ilkin hərrac qiyməti 25 min manat olub. 4 iştirakçı arasında yaranan rəqabət dövlət əmlakının qiymətini 3 dəfə artırıb. Qalib şəxs obyekti 75 min manata özəlləşdirib.
Bakının Nizami rayonunda ümumi faydalı sahəsi 49,2 kvadratmetr olan digər qeyri-yaşayış sahəsinin satış qiyməti 9 min 750 manatdan 32 min manata yüksəlib.
Bakının Nardaran qəsəbəsində yerləşən 46 saylı mağaza (ümumi faydalı sahəsi 85,4 kvadratmetr) 6 min 750 manata satılıb.
