Cəbhə xəttində təxribat itki ilə nəticələnib
Müdafiə Nazirliyi xəbər verir ki, martın 26-da Ermənistan Silahlı Qüvvələrinin bölmələri cəbhənin müxtəlif istiqamətlərində təxribatlara əl atıb, axşam saatlarında Azərbaycan bölmələrinin mövqelərinin atəşə tutulması nəticəsində Füzuli rayonu istiqamətində Azərbaycan Ordusunun hərbi qulluqçusu Əlləzov Əlləz Ələddin oğlu şəhid olub.
Məlumatda qeyd olunur ki, Ermənistan mətbuatı Azərbaycanın dövlət sərhədində guya mühəndis işləri həyata keçirməklə mövqeləri irəli çəkmək cəhdi barədə xəbər yayıb: “Bu məlumat həqiqətə uyğun deyil, Ermənistanın növbəti təxribatıdır və cəbhədə vəziyyəti gərginləşdirmək məqsədi daşıyır. Azərbaycan Ordusu bölmələrinin qəti və adekvat tədbirləri nəticəsində düşmənin atəş nöqtələri susdurulub, onun növbəti təxribatlarının qarşısı alınıb. Hazırda cəbhə xəttində vəziyyət bölmələrimizin tam nəzarəti altındadır”.
