27 mart məzənnələri
Mərkəzi Bank martın 27-də bir çox valyutanın kursunu aşağı salıb. Novator.az-ın məlumatına görə, dəyər itirən avro 1,9139, Gürcüstan larisi 0,6316, İngiltərə funt sterlinqi 2,2416 manata təklif olunur.
ABŞ dollarının (1,7 manat) və Rusiya rublunun (0,0264 manat) rəsmi qiymətləri sabit qalıb.
İsveçrə frankının məzənnəsi 1,7073, Türkiyə lirəsi 0,3179, Ukrayna qrivnası 0,0630 manata yüksəlib (Tam siyahı).
Dolların indiki kursu 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu manatın kursunu qorumaq üçün Mərkəzi Bankın bu il keçirdiyi valyuta hərraclarında 951,1 milyon dollar məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar alınıb.
