Səhiyyə Nazirliyinə ayırmalar
Prezident İlham Əliyev səhiyyə obyektləri ilə bağlı sərəncamlar imzalayıb. Sənədlərin birinə görə, Səhiyyə Nazirliyinə Bakının Maştağa qəsəbəsində yerləşən 7 nömrəli Birləşmiş Şəhər Xəstəxanasında yeni korpusun tikintisi üçün 2019-cu ilin dövlət büdcəsindən 6 milyon 807 min 400 manat ayrılır.
Başqa bir sərəncamla Səhiyyə Nazirliyi 2019-cu il dövlət büdcəsindən, prezidentinin ehtiyat fondundan 2 milyon manat alır. Bu vəsait Salyan Rayon Mərkəzi Xəstəxanasının Doğum Evinin və Uşaq Xəstəxanasının əsaslı təmiri və zəruri tibbi avadanlıqlarla təchiz edilməsi üçün nəzərdə tutulub.
