Sərmayə rəqəmləri
2019-cu ilin yanvar-fevral aylarında xarici müəssisə və təşkilatlar Azərbaycanda əsas kapitala 546,2 milyon manat vəsait yönəldib. Novator.az-ın məlumatına görə, Dövlət Statistika Komitəsi həmin vəsaitin 89,5 faizinin Böyük Britaniya, Türkiyə, ABŞ, İsveçrə, Yaponiya, Malayziya, Çexiya, İran, Rusiya və Norveç sərmayədarlarına məxsus olduğunu bildirir.
Bütövlükdə ölkənin iqtisadi və sosial sahələrinin inkişafı üçün 1 milyard 711,2 milyon manat sərmayə qoyulub. Ümumi sərmayənin 60,3 faizi məhsul istehsalı obyektlərinin, 30,5 faizi xidmət sahələri üzrə obyektlərin, 9,2 faizi yaşayış evlərinin tikintisinin payına düşüb.
