Valyutalar martı yarıladı
Martın 15-də ABŞ dollarının (1,7 manat) və Rusiya rublunun (0,0260 manat) rəsmi məzənnələri dəyişməz qalıb.
Mərkəzi Bank avronun kursunu 1,9241, Türkiyə lirəsini 0,3110 manata endirib.
Bahalaşan Gürcüstan larisi isə banklara 0,6333 manata təklif olunur.
Dolların indiki rəsmi qiyməti 2018-ci il martın 7-dən qüvvədədir.
Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Novator.az bildirir ki, Dövlət Neft Fondu manatın kursunu qorumaq üçün Mərkəzi Bankın bu il keçirdiyi valyuta hərraclarında 951,1 milyon dollar məbləğində vəsait satıb. Yanvarın hərraclarında fonddan 634,9 milyon dollar, fevralın hərraclarında 316,2 milyon dollar alınıb.
