Bakı yolunda 8 iddiaçı qaldı
UEFA-nın Avropa Liqasında 1/8 final raundu başa çatıb. Novator.az-ın məlumatına görə, martın 14-də keçirilmiş cavab oyunlarından sonra “Çelsi”, “Ayntraxt” (Frankfurt), “Benfika”, “Napoli”, “Valensiya”, “Slaviya”, “Arsenal” (London) və “Vilyarreal” komandaları 1/4 finala vəsiqə qazanıblar.
1/4 finalçılardan 4-ü əvvəllər turnirin qalibi olub. 1971-ci ildən keçirilən, 2008-ci ilədək UEFA kuboku adlanmış Avropa Liqasında “Ayntraxt”, “Napoli”, “Valensiya” və “Çelsi”nin hərəyə 1 titulu var.
Avropa Liqasının final oyunu mayın 29-u Bakı Olimpiya Stadionunda keçiriləcək.
UEFA-nın klub turnirlərində 7 ölkənin 16 komandası (Çempionlar Liqasında 8, Avropa Liqasında 8 klub) qalır. Hazırda İngiltərə 6, İspaniya 3, İtaliya və Portuqaliya 2, Almaniya, Hollandiya və Çexiya 1 komanda ilə təmsil olunur.
