Rusiya: yerin altında nələr var?
Rusiyanın Təbii Sərvətlər və Ekologiya Nazirliyi ilk dəfə ölkənin yeraltı ehtiyatlarının dəyəri ilə bağlı hesabat açıqlayıb. Novator.az-ın məlumatına görə, ilk qiymətləndirmə 2017-ci ilin sonuna olan vəziyyəti əhatə edir.
Hesabata əsasən, 2017-ci ilin sonuna ölkənin neft ehtiyatlarının dəyəri 39,6 trilyon rubl, qaz ehtiyatlarının dəyəri 11,3 trilyon rubl, kokslaşan kömür ehtiyatlarının dəyəri 2 trilyon rubla qədərdir.
Nazirlik ölkənin dəmir filizi ehtiyatlarını 808 milyard rubl, almaz ehtiyatlarını 505 milyard rubl, qızıl ehtiyatlarını 480 milyard rubl həcmində göstərir.
Ümumilikdə bütün mineral ehtiyatların (neft, qaz, mis, dəmir filizi, kömür, almaz) ümumi dəyərinin 55,2 trilyon rubl təşkil etdiyi vurğulanır.
Təbii Sərvətlər və Ekologiya Nazirliyi 2017-ci ilin sonuna 9,04 milyard ton neft, 14,47 trilyon kubmetr qaz, 1704 ton qızıl, 375 milyon metr karat almaz ehtiyatının olduğunu bildirir.
Səidə Hüseynova
