Elektron xidmət hesabatı
Əmlak Məsələləri Dövlət Komitəsi bildirir ki, 46 xidmətin 41-i elektron müstəvidə yerinə yetirilir: “Ümumilikdə vətəndaşlara, fiziki və hüquqi şəxslərə müxtəlif fəaliyyət istiqamətləri üzrə 902 min elektron xidmət göstərilib. 2018-ci il ərzində elektron və onlayn xidmətlərdən istifadə edənlərin sayı 266 mindən çox olub.
Komitənin təqdim etdiyi 41 elektron xidmətdən 26-sı daşınmaz əmlakın qeydiyyatı, 10-u dövlət əmlakının özəlləşdirilməsi, 3-ü dövlət əmlakının idarə edilməsi və icarəsi, 2-si kadastr sahəsi ilə bağlıdır. Bu xidmətlərin 38-si interaktiv, 3-ü informativ xidmətlərdir.
Daşınmaz əmlakın qeydiyyatı üzrə 26 elektron xidmətdən istifadə edənlərin sayı 150 mindən çox olub.
Komitənin www.e-gov.az portalında ən çox istifadə olunan elektron xidməti ipoteka əməliyyatlarının dövlət qeydiyyatı və ləğvi ilə bağlı xidmətlərdir. Bu xidmətlərdən istifadə edənlərin sayı 107 mini ötüb.
Daha çox istifadə olunan xidmətlərdən biri də dövlət reyestrindən məlumatın verilməsi barədə elektron xidmətdir. İndiyədək 20 minə yaxın müraciət qeydə alınıb”.
