Təyinatlar sərəncamı
Prezident İlham Əliyev martın 12-də sərəncam imzalayaraq Balakişiyev Bəxtiyar Qaraca oğlunu və Əliyeva Telli Pənah qızını 6 il müddətinə Milli Televiziya və Radio Şurasının üzvləri təyin edib.
Novator.az bildirir ki, Milli Televiziya və Radio Şurası 2002-ci ildə televiziya və radio yayımı sahəsinin fəaliyyətini tənzimləmək məqsədilə yaradılıb. Qurumun 9 üzvü var. Üzvləri prezident təyin edir. Üç nəfərin səlahiyyət müddəti 2 il, üç nəfərinki 4 il, üç nəfərinki 6 ildir. Şura üzvləri öz aralarından sədr və sədr müavini seçirlər. 2003-cü ildən bəri sədr postunu Nuşirəvan Məhərrəmov tutur.
