Nazir ön xəttə baş çəkib
Müdafiə naziri general-polkovnik Zakir Həsənov ön xətt bölmələrinə baş çəkib. Mod.gov.az-ın 13 mart məlumatına görə, müdafiə nazirinə əməliyyat şəraitinin vəziyyəti barədə məruzə edilib. Nazir üzbəüz yerləşən düşmən mövqelərini müşahidə edib və bölmələrin daim döyüşə hazır vəziyyətdə olmasını təmin etmək məqsədilə tapşırıqlar verib.
Zakir Həsənov şəxsi heyət üçün yeni inşa edilən əsgər yataqxanası, silah otağı, ideoloji otaq, yeməkxana, məişət otağı, hamam, əşya anbarı, eləcə də digər xidməti obyektlərdən ibarət olan yaşayış kompleksinin açılışında iştirak edib.
Müdafiə naziri xidmətdə fərqlənən hərbi qulluqçuları mükafatlandırıb və şəxsi heyətlə çay süfrəsi arxasında söhbət aparıb.
Sonra nazir cəbhə zonasında yerləşən kəndlərdən birində yerli sakinlərlə görüşərək əhalinin təhlükəsizliyinin təmin edilməsi məqsədilə yaşayış məntəqələrinin müdafiəsi barədə söhbət edib.
