Baş redaktorun işi: vəsatətlər təmin olunmayıb
Martın 13-ü Bakı Ağır Cinayətlər Məhkəməsində Realliq.info saytının həbsdə olan baş redaktoru İkram Rəhimovun işi üzrə məhkəmənin hazırlıq iclası davam etdirilib.
Azadliq.org-un məlumatına görə, vəkil Elçin Sadıqov İkram Rəhimov barəsində seçilmiş həbs qətimkan tədbirinin ev dustaqlığı ilə əvəz edilməsi, cinayət işinə xitam verilməsi barədə məhkəməyə yazılı vəsatətlər təqdim edib.
Vəsatətlər təmin olunmayıb.
Hakim məhkəmə prosesini martın 27-nə təyin edib.
İkram Rəhimovu ötən il oktyabrın 26-da Dövlət Təhlükəsizliyi Xidməti həbs edib. O, Cinayət Məcəlləsinin 182.2.1 və 182.2.2-ci (qabaqcadan əlbir olan bir qrup şəxs tərəfindən təkrarən hədə-qorxu ilə tələb etmə) maddələri ilə ittiham olunur.
