Şərti düşmən hədəflərinə zərbələr endirilir
Azərbaycan Ordusunun martın 11-də başlayan genişmiqyaslı təlimlərinə 10 min nəfərədək şəxsi heyət, 500-dək tank, zirehli texnika, avtomobil və xüsusi texnika, 300-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 20-dək müxtəlif təyinatlı ordu və cəbhə aviasiyası cəlb olunub. Təlimlər martın 15-dək davam edəcək.
Müdafiə Nazirliyinin rəsmi məlumatına görə, qoşunlar, komanda idarəetmə məntəqələri, döyüş və ehtiyat hərbi hissələri əməliyyat təyinatı rayonlarına çıxarılıb.
Tank bölmələri məntəqələrə çıxarıldıqdan sonra növbəti mərhələyə hazırlıq keçib.
Əməliyyat-taktiki raket bölmələri daimi dislokasiya məntəqələrindən təyin edilmiş marşrutlarla marş keçiriblər. Start mövqelərini tutan bölmələr şərti düşmən hədəflərinə raket zərbələrinin endirilməsi üzrə döyüş şəraitinə maksimal şərtlərdə tapşırıqları icra edir.
