İşğalçıların müzakirəsi
Azərbaycanın Dağlıq Qarabağ bölgəsinə səfər edən Ermənistanın baş naziri Nikol Paşinyan martın 11-i Xankəndidə işğalçı rejimin başçısı Bako Saakyanla müzakirələr aparıb. Əvvəl təkbətək keçirilən görüşə sonradan Ermənistanın xarici işlər naziri və Təhlükəsizlik Şurasının katibi, eləcə də Dağlıq Qarabağ rejiminin eyni statuslu şəxsləri qatılıb.
1988-ci ildə Ermənistan Azərbaycanın Dağlıq Qarabağ vilayətini ələ keçirmək üçün təcavüzə başlayıb. 1991-ci ildə ermənilər Dağlıq Qarabağı “müstəqil dövlət” elan edib. 1994-cü ildə atəşkəslə dayanan işğalçı müharibədə Ermənistan Dağlıq Qarabağı (Xankəndi şəhəri, Şuşa, Xocalı, Xocavənd, Ağdərə rayonları) və onun ətrafındakı bölgələri (Laçın, Kəlbəcər, Ağdam, Füzuli, Cəbrayıl, Qubadlı, Zəngilan rayonları) ələ keçirib.
