İkram Rəhimovun məhkəməsi başlayıb
Martın 12-si Bakı Ağır Cinayətlər Məhkəməsində Realliq.info saytının həbsdə olan baş redaktoru İkram Rəhimovun işi üzrə məhkəmə prosesi başlayıb.
Azadliq.org-un məlumatına görə, vəkil Elçin Sadıqov İkram Rəhimov barəsində seçilmiş həbs qətimkan tədbirinin ev dustaqlığı ilə əvəz edilməsini, cinayət işinə xitam verilməsini istəyib.
Hakim vəsatətin yazılı şəkildə təqdim edilməli olduğunu söyləyərək prosesi martın 13-dək təxirə salıb.
İkram Rəhimovu ötən il oktyabrın 26-da Dövlət Təhlükəsizliyi Xidməti həbs edib. O, Cinayət Məcəlləsinin 182.2.1 və 182.2.2-ci (qabaqcadan əlbir olan bir qrup şəxs tərəfindən təkrarən hədə-qorxu ilə tələb etmə) maddələri ilə ittiham olunur.
