Hərrac bilgisi
Əmlak Məsələləri Dövlət Komitəsinin 12 mart hərracında 7 dövlət əmlakına ümumilikdə 16 sifariş verilib. Rəsmi məlumata görə, Lənkəran şəhərindəki “Lənkəran mebel” Səhmdar Cəmiyyətinin özəlləşdirilən səhmlərinin ümumi sayı 50 minə yaxındır. Mebel məhsullarının istehsalı fəaliyyəti ilə məşğul olan müəssisənin ərazisində inzibati bina, istehsalat sexi, yeməkxana, digər bina və qurğular yerləşir.
Paytaxtın Sabunçu rayonu, Pirşağı qəsəbəsində yerləşən, ümumi faydalı sahəsi 87,9 kvadratmetr olan dövlət əmlakı torpaq ərazisi ilə birgə 7 min 500 manata özəlləşdirilib.
Hövsan qəsəbəsində 29,9 kvadratmetrlik qeyri-yaşayış sahəsi 3 min manata satılıb.
2007-ci ildə istehsal olunmuş “Cherry Easter” markalı nəqliyyat vasitəsi 3 min 300 manata, “Toyota Camry” markalı avtomobil 14 min 600 manata sahibini tapıb.
