Yardımçı vəzifələrdə maaş artımı
Yardımçı vəzifələrdə çalışan dövlət qulluqçularının aylıq maaşının minimum məbləği 165 manatdan 200 manata qaldırılıb. Prezident İlham Əliyevin bu barədə sərəncamı martın 1-dən tətbiq ediləcək.
Yenilik minimum aylıq əməkhaqqının artırılması ilə bağlıdır. Martın 1-dən minimum aylıq əməkhaqqının məbləği 130 manatdan 180 manata yüksəlib.
Dövlət orqanlarında (Azərbaycanın xaricdəki diplomatik nümayəndəlikləri, konsulluqları və digər orqanların nümayəndəlikləri istisna olmaqla) inzibati vəzifələr tutan dövlət qulluqçularının aylıq maaşının minimum məbləği 275 manatdır.
