BDU-da yeni rektor
Martın 11-də prezident İlham Əliyev Elçin Babayevi Bakı Dövlət Universitetinin rektoru təyin edib.
Bakı Dövlət Universitetinin rektoru postu ötən il noyabrın 15-dən, Abel Məhərrəmov həmin vəzifədən azad ediləndən boş idi.
Abel Məhərrəmov 1999-cu il yanvarın 11-dən Bakı Dövlət Universitetinin rektoru olub.
Novator.az bildirir ki, Elçin Səfəralı oğlu Babayev 1965-ci ildə Naxçıvan şəhərində doğulub. Bakı Dövlət Universitetini bitirib. Fizika-riyaziyyat elmləri üzrə fəlsəfə doktoru, dosentdir. Astrofizika, radioastronomiya üzrə mütəxəssisdir. Yüzdən çox elmi əsərin müəllifidir.
Rektor təyin olunana qədər Prezident yanında Elmin İnkişafı Fondunun icraçı direktoru postunu tutub.
