Dolların ili çıxdı
Martın 7-də Mərkəzi Bank ABŞ dollarının kursunu 1,7 manat səviyyəsində saxlayıb. Novator.az-ın məlumatına görə, bununla dolların məzənnəsində sabitliyin bir ili tamam olub.
2015-ci il fevralın 21-də Mərkəzi Bank dolların rəsmi kursunu 0,7862 manatdan 1,05 manata, dekabrın 21-də 1,55 manata qaldırıb. Həmin ilə 1,5594 manatla nöqtə qoyulub.
2016-cı ildə dolların rəsmi qiyməti 1,7707 manata çatıb.
2017-ci il dekabrın 13-dən dollar banklara 1,7001 manata təklif edilib.
2018-ci il martın 7-dən 1,7 manat həddi qüvvədədir.
Dövlət Neft Fondu manatın kursunu qorumaq üçün Mərkəzi Bankın bu ilin yanvar ayında keçirdiyi valyuta hərraclarında 634,9 milyon dollar məbləğində valyuta sərf edib.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
Mərkəzi Bank bu gün avronu 1,9217, Gürcüstan larisini 0,6337, Rusiya rublunu 0,0258, Türkiyə lirəsini 0,3130 manata satır (Məzənnələr).
Avro 2019-cu ilə 1,9323, Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla başlayıb.
