Bakıda faciə
Martın 5-i gecə Bakının Nərimanov rayonunda yerləşən, Azərbaycan Dövlət Mədəniyyət və İncəsənət Universitetinin balansında olan, Ağdamdan məcburi köçkünlərinin məskunlaşdığı beşmərtəbəli yataqxanada yanğın baş verib.
Fövqəladə Hallar Nazirliyinin məlumatına görə, binanın 3-cü mərtəbəsindəki mənzillərin birində başlayan yanğın ümumi dəhlizə keçib, 2 nəfər tüstüdən zəhərlənərək həlak olub, 6 nəfər xəstəxanaya aparılıb, daha 42 nəfər sakin binadan çıxarılıb.
Yanğın söndürülüb. Müvafiq qurumlar təhqiqat aparır.
