Akif Nağı Qarabağ Komitəsinin İdarə Heyətindən getdi
Qarabağ Komitəsinin İdarə Heyətinə iki yeni üzv qəbul edilib: Felmar Ələkbərov və Əlövsət Sadıqov. Akif Nağı isə İdarə Heyətini tərk edib. Novator.az-ın məlumatına görə, qərarlar martın 6-da verilib.
Bir qrup ictimai-siyasi xadimin ötən il yaratdığı Qarabağ Komitəsinin İdarə Heyətində İlham İsmayıl, Pənah Hüseyn, Mirmahmud Mirəlioğlu, Tural Abbaslı, Əvəz Zeynallı, Sahib Kərimli, Taleh Əliyev də təmsil olunurlar.
2018-ci il sentyabrın 29-da Qarabağ Komitəsi paytaxtın Yasamal rayonundakı İdman-Sağlamlıq Kompleksinin stadionunda “Qarabağa azadlıq!” devizli mitinq keçirib. Bakı Şəhər İcra Hakimiyyəti komitənin eyni məkanda noyabrın 24-nə, dekabrın 15-nə və bu il fevralın 16-na təyin etdiyi mitinqlərə razılıq verməyib. Komitə martın 16-na daha bir aksiya təyin edib.
