Rusiya: iki ayda işsizlik 14% artıb
Rusiyanın Əmək və Sosial Müdafiə Nazirliyi işsizlik hesabatı açıqlayıb. Novator.az xəbər verir ki, hesabata əsasən, fevralın sonuna ölkədə rəsmi işsizlərin sayı 797 min 600 nəfərə çatıb. 2019-cu ilin əvvəlindən rəsmi işsizlərin sayının 14% artdığı qeyd olunur.
Nazirliyin hesabatında ölkənin 79 bölgəsində işsizlik səviyyəsinin artdığı vurğulanır. Ən yüksək işsizlik göstəricilərinin Zabaykalye diyarında, Dağıstan, Mari-El, Xakasiya, Kabardin-Balkar respublikalarında, Pskov, Yaroslavl, Saxalin, Orenburq və Sverdlovsk vilayətlərində qeydə alındığı bildirilir.
Əmək və Sosial Müdafiə Nazirliyi qeyd edir ki, bir il əvvəl fevralın sonuna ölkədə 803 min 100 nəfər işsiz rəsmi qeydiyyatda olub.
Səidə Hüseynova
