Mehman Hüseynov jurnalistlər qarşısında
Bloqçu Mehman Hüseynov martın 5-i Bakıda mətbuat konfransı keçirib.
Mehman Hüseynov 2017-ci ilin martında polisə ağır cinayət ittihamı ilə böhtan atmaqda təqsirli bilinərək 2 il müddətinə azadlıqdan məhrum olunub.
2018-ci il dekabrın 26-da ona yeni cinayət işi açılıb. Rəsmi açıqlamaya görə, həmin gün 14 saylı Cəzaçəkmə Müəssisəsində aparılan axtarış-baxış tədbirləri zamanı Mehman Hüseynov müəssisənin rejim-nəzarət şöbəsinin böyük inspektoru, ədliyyə leytenantı Əli Abdalovun qanuni tələblərinə tabe olmayaraq ona zor tətbiq edib, fiziki müqavimət göstərərək bədən xəsarəti yetirib.
Yeni cinayət işi ölkə ictimaiyyətinin və dünya birliyinin etirazlarına səbəb olub. Bu etirazlardan və Mehman Hüseynovun prezident İlham Əliyevə müraciətindən sonra 2019-cu il yanvarın 22-də ikinci cinayət işinin icraatına xitam verilib.
Mehman Hüseynov martın 2-də ilk cinayət işi ilə kəsilmiş cəza müddətini başa vuraraq azadlığa çıxıb.
Martın 5-də mətbuat konfransı keçirən bloqçu həbsdən azad olunmasına görə yerli və beynəlxalq qurumlara, siyasi partiyalara, ondan ötrü aksiyalara qatılan insanlara, bütövlükdə Azərbaycan xalqına təşəkkür edib.
Cəza müddətinin bitməsinə az qalmış təxribatla üzləşdiyini deyən Mehman Hüseynov vurğulayıb ki, buna qarşı qəti mövqe ortaya qoyub. Onun sözlərinə görə, bunu tək özü üçün yox, həm də başqa siyasi məhbusların təxribatla üzləşməməsi üçün edib: “Əvvəl məni aparıb cərimə kamerasına saldılar. Sonra ittihamçı gəldi ki, cəzaçəkmə müəssisəsinin əməkdaşını vurmusan, ölüm ayağındadır. Əslində belə hadisə olmayıb, bu mənə qarşı bir oyun idi. Bu oyunu pozmaq üçün ölüm aclığı aksiyasına başladığımı, sudan, qidadan imtina etdiyimi bildirdim”.
Mehman Hüseynov deyib ki, 2018-ci il dekabrın 26-da aclığa başlayıb, dekabrın 30-da vəziyyəti pisləşib: “Bildirdilər ki, belə davam etsə, məcburi qaydada qida qəbul etdirəcəklər. Qida qəbul etməyə məcbur edilməyi istəmədiyimdən və aksiyanın artıq ictimailəşdiyini bildiyimdən su içməyə başladım, daha sonra süd və maye şəkildə yoğurt qəbul etdim”.
Bloqçu bütün siyasi məhbusların azad olunmasını istədiyini vurğulayıb.
Mehman Hüseynov müxalif bloqçu kimi, hökuməti tənqid edən videoları ilə tanınır. Onun qardaşı Emin Hüseynov Reportyorların Azadlıq və Təhlükəsizlik İnstitutunun rəhbəridir. 2014-cü ildə Emin Hüseynov qanunsuz sahibkarlıq, vergi ödəməkdən yayınma, vəzifə səlahiyyətlərindən sui-istifadə ittihamları ilə cinayət işi qaldırılıb. Emin Hüseynov İsveçrənin Bakıdakı səfirliyinə sığınıb, 2015-ci ildə həmin ölkəyə aparılıb.
Mehman Hüseynova yeni cinayət işi qaldırılıb
Məhbus bloqçunun aclıq aksiyasına başladığı bildirilir
“Mehman Hüseynova azadlıq!”: məhkəmədən yeni qərarlar gözlənir
Azadlıq istəyənlərdən dördü həbs olundu
Mehman Hüseynov aclıq aksiyasını davam etdirdiyini söyləyib
Mehman Hüseynovun işi: daha bir aksiya
Müsavat mitinq keçirmək qərarına gəlib
Penitensiar Xidmət aclıq xəbərini təkzib edir
Ombudsman Aparatı Mehman Hüseynovla bağlı məlumat yayıb
Mehmana azadlıq istəyənlərin məhkəməsi: yeni qərarlar var
Avropalı komissar Bakıya Mehman təklifi verdi
YAP-çı deputatların reaksiyası
Mehman hansı sözə görə tutulub?
ATƏT-dən Mehmanı buraxmaq çağırışı gəldi
Həbsdə olan müsavatçı aclığa başladığını elan edib
Siyasi Məhbusları Müdafiə Mərkəzi toplantı keçirib
Mehman Hüseynov: daha bir aksiya təyin olunub
Məhbəsdə aclıq: yeni bəyanatlar var
Müsavat fəalı: istintaq yekunlaşdı, aclıq dayandı
Avropa Parlamenti Mehman Hüseynovla bağlı qətnamə qəbul edə bilər
Milli Şuranın mitinqinə icazə verildi
Ofeliya Hüseynovaya Mehmanla görüşməyə icazə verilməyib
Aclıq edən məhbuslarla görüş olub
Mehman Hüseynovla bağlı qətnamə layihəsində nələr var?
Siyasi Məhbusları Müdafiə Mərkəzi hesabat açıqlayıb
“Mehman Hüseynovun işi”: Avropa Parlamenti qətnamə qəbul etdi
“Bu cəhd heç bir nəticə verməyəcək”
Milli Şuranın 19 yanvar mitinqi
Mehman Hüseynovun prezidentə müraciət etdiyi bildirilir
Prezident İlham Əliyev Mehman Hüseynovla bağlı tövsiyə verib
Mehman Hüseynovla bağlı dinləmə keçirilib
Mehman Hüseynovun cinayət işi xətm olundu
Aclıq edən məhbuslardan nə xəbər?
Azadlıqdakı aclıq dayandırıldı
Məhbuslar aclığı dayandırıblar
