Kurs dəyişmələri
Mərkəzi Bank martın 5-də bir çox valyutanı ucuzlaşdırıb. Novator.az-ın məlumatına görə, dəyər itirən avro 1,9262, Çin yuanı 0,2536, Gürcüstan larisi 0,6355, İngiltərə funt sterlinqi 2,2371, Türkiyə lirəsi 0,3154 manata satılır.
ABŞ dolları (1,7 manat) və Rusiya rublunun (0,0259 manat) rəsmi məzənnələri sabit qalıb.
Bir neçə valyuta isə bahalaşıb. İsrail şekeli banklara 0,4692, Moldova leyi 0,0993, Misir funtu 0,0972 manata, 100 Yaponiya yeni 1,5192 manata təklif olunur.
Dolların rəsmi qiyməti 2018-ci il martın 7-dən 1,7 manatdır.
2015-ci il fevralın 21-də başlayan devalvasiya prosesi ilə dolların rəsmi kursu 0,7844 manatdan 1,5594 manata qalxıb. 2016-cı ilə 1,7707 manatla nöqtə qoyulub. 2017-ci il 1,7001 manatla başa çatıb və həmin kurs 2018-ci il martın 7-dək qüvvədə olub.
