Gürcüstanın turizm göstəriciləri
Bu il Gürcüstana gələnlərin sayı 0,2% azalsa da, turistlərin sayında 5,5% artım var. Novator.az-ın məlumatına görə, Milli Turizm Administrasiyasının hesabatında qeyd olunur ki, 2019-cu ilin yanvar-fevral aylarında ölkəyə 998,2 min əcnəbi səfər edib. Bu, 2018-ci ilin eyni dövrü ilə müqayisədə 0,2% azdır. Ancaq ölkəyə turist kimi gələnlərin sayı ötən ilin yanvar-fevral ayları ilə müqayisədə 5,5% artaraq 553,6 min nəfərə çatıb.
Rəsmi açıqlamaya əsasən, bu ilin iki ayında Gürcüstana ən çox Azərbaycan, Rusiya, Ermənistan, Türkiyə və Ukraynadan gəliblər.
Yanvar ayında Gürcüstanın xarici turizmdən əldə etdiyi gəlir 164,5 milyon dollar göstərilir. Bu, ötən ilin ilk ayına nisbətdə 5% çoxdur.
2018-ci ildə Gürcüstanın xarici turizmdən 3,2 milyard dollar qazandığı vurğulanır.
Səidə Hüseynova
