Geoloji-kəşfiyyat xərcləri 10,9 faiz artıb
2018-ci ildə Azərbaycanda geoloji-kəşfiyyat işlərinə 35,8 milyon manat və ya 2017-ci illə müqayisədə 10,9 faiz çox vəsait sərf olunub. Dövlət Statistika Komitəsi bildirir ki, geoloji-kəşfiyyat işlərinə xərclənmiş vəsaitin 82,4 faizi neft-qaz ehtiyatlarının kəşfiyyatına yönəldilib.
Hesabata görə, 2017-ci illə müqayisədə geoloji-geofiziki işlərə 9,3 faiz, əlvan metalların kəşfiyyatına 7,7 faiz, radioaktiv metalların kəşfiyyatına 6,1 faiz, qara metalların kəşfiyyatına 5 faiz, hidrogeoloji işlərə 4,4 faiz, nəcib metalların kəşfiyyatına 4,3 faiz çox vəsait gedib.
