Estoniya: baş nazir postuna qadın əyləşir?
Estoniyada martın 3-də keçirilmiş parlament seçkisinin ilkin nəticələri açıqlanıb. Novator.az-ın məlumatına görə, ən yüksək nəticə göstərən müxalif İslahatçılar Partiyası 101 nəfərlik parlamentdə 34 nəfərlə təmsil olunmaq haqqı qazanıb. Bu partiyaya 1977-ci il təvəllüdlü qadın Kaya Kallas sədrlik edir.
Mərkəz Partiyasının 26, Mühafizəkar Xalq Partiyasının 19, Vətən Partiyasının 12, Sosial Demokrat Partiyasının 10 mandat götürdüyü bəyan edilib.
Seçkinin ilkin nəticələrini şərh edən siyasi icmalçılar Kaya Kallasın baş nazir postunu tutmaq şansının yüksək olduğunu vurğulayırlar.
2016-cı ildən Estoniyada prezident postunu 1969-cu il təvəllüdlü qadın Kersti Kalyulayd tutur.
