Mer prezident seçkisindən çəkildi
Ukraynada prezident postuna iddialı Lvov şəhərinin meri, Samopomoş Partiyasının lideri Andrey Sadovıy namizədliyini geri götürüb. Novator.az-ın məlumatına görə, martın 1-də keçirdiyi brifinqdə Andrey Sadovıy seçkidə Vətəndaş Mövqeyi Partiyasının lideri, deputat, sabiq müdafiə naziri Anatoli Qritsenkonu dəstəkləyəcəyini deyib.
Son rəy sorğularına əsasən, Anatoli Qritsenkoya seçicilərin 6,4%-i, Andrey Sadovıya 2,4%-i səs vermək niyyətində olub.
Ukraynada prezident seçkisi martın 31-də keçiriləcək. Dövlət başçısı postu uğrunda daha 42 nəfər, o cümlədən indiki prezident Pyotr Poroşenko mübarizə aparır.
İlk turda qələbə üçün 50 faizdən çox səs toplamaq gərəkdir.
Səidə Hüseynova
