Ayını fərdi təssərrüfatdan götürüb reabilitasiya mərkəzinə veriblər
Ekologiya və Təbii Sərvətlər Nazirliyinin əməkdaşları Quba rayonunda fərdi təssərrüfatlardan birində saxlanılan qonur ayını götürüb Vəhşi Təbiətin Bərpası və Reabilitasiyası Mərkəzinə təhvil veriblər.
Vəhşi Təbiətin Bərpası və Reabilitasiyası Mərkəzi Altıağac Milli Parkının nəzdində fəaliyyət göstərir.
Mərkəzdə qonur ayını baytar həkimi müayinə edib.
Ekologiya və Təbii Sərvətlər Nazirliyinin mətbuat xidmətindən Novator.az-a bildiriblər ki, ayı mərkəzdə iki ay reabilitasiya keçəcək, sonra vəhşi təbiətə buraxılacaq.
Qonur ayı Azərbaycanda “Qırmızı kitab”a düşən heyvanlardan biridir.
