Müsavat aksiya planlaşdırır
Müsavat Partiyası martın 10-da Bakıda yürüş-mitinq keçirmək istəyir.
Müsavat Divanının fevralın 25-də qəbul etdiyi qərara əsasən, bununla bağlı Bakı Şəhər İcra Hakimiyyətinə xəbərdarlıq məktubu göndəriləcək.
Süleyman Sani Axundov küçəsindən başlamaqla “Dərnəgül” metro stansiyası yaxınlığındakı meydana qədər yürüş, sonda mitinq keçirmək, aksiyada “Siyasi məhbuslara azadlıq!”, “Sərbəst toplaşma azadlığı təmin edilsin!”, “Aztəminatlı əhalinin kredit borcları dövlət tərəfindən ödənilsin!” və digər tələblər irəli sürmək planlaşdırılır.
