Hərracda qiymət yüksəlmələri
Əmlak Məsələləri Dövlət Komitəsinin 26 fevral hərracında 13 dövlət əmlakına 22 sifariş qəbul edilib.
Rəsmi məlumata görə, buraxılış tarixi 2007-ci il olan “VAZ-21043” markalı avtomobil üçün dörd sifariş verilib, ilkin qiymət iki dəfə yüksəlib. Start qiyməti 2 min manat olan nəqliyyat vasitəsi 4 min manata özəlləşdirilib.
2005-ci ildə istehsal olunmuş “Nissan Maxima” markalı avtomobili 3 min manata təklif edilib, qalib iştirakçı ona 5 min 160 manat ödəyib.
Bakının Xətai rayonundakı qeyri-yaşayış sahəsi (ümumi faydalı sahəsi 43,2 kvadratmetr) 6 min manata satılıb.
Tovuz şəhərində ümumi faydalı sahəsi 103,2 kvadratmetr olan analoji obyekt 10 min manata sahibini tapıb.
